Søk om midlar i Inkluderingsfondet
Visste du at Sparebankstiftinga Sogn og Fjordane har eit eige inkluderingsfond? Via den lokale klubben eller laget ditt kan du søke om midlar til å dekke for eksempel treningsavgift og utstyr. Målet med fondet er å hindre utanforskap og fråfall blant barn og unge i Sogn og Fjordane.
Mange kjenner på auka kostnader, og at dette kanskje går ut over familieøkonomien. Inkluderingsfondet skal hindre at familieøkonomien blir ei barriere for at barn og unge kan delta i fritidsaktivitetar. Idrettslag og andre frivillige organisasjonar kan søke om midlar frå fondet til å hjelpe medlemar som har behov for å bli inkludert eller er frå familiar med vanskelegstilt økonomi.
Organisasjonar kan søke om å få midlar til å dekke til dømes medlemsavgift, treningsavgift, deltakravgift og nødvendig personleg utstyr til medlemar som er i målgruppa. Sparebankstiftinga Sogn og Fjordane har i samarbeid med Vestland idrettskrets lansert inkluderingsfondet.
